विंझर वार्ताहर दि ०९ : समीर कांबळे
वांगणी ग्रामपंचायतीने ‘मुख्यमंत्री समृद्ध पंचायत राज अभियान’ अंतर्गत प्लास्टिक बंदीचा एक अत्यंत स्तुत्य उपक्रम यशस्वीपणे राबवला. पर्यावरणाची जाणीव आणि प्लास्टिकमुक्त जीवनशैलीची बीजं शालेय विद्यार्थ्यांच्या मनात रुजवण्यासाठी, ग्रामपंचायतीने अंगणवाडी, मराठी शाळा आणि उच्च माध्यमिक विद्यालयातील (High School) अशा एकूण १३० विद्यार्थ्यांना स्टीलच्या आकर्षक पाणी बॉटल भेट दिल्या.
यावेळी सर्व विद्यार्थ्यांनी निसर्गाचा ऱ्हास होऊ नये यासाठी ‘रोज शाळेत स्टीलचा डब्बा आणि पाण्याची स्टील बॉटलच आणण्याचा’ निर्धार करत प्लास्टिक बंदीची शपथ घेतली.
भविष्याच्या पिढीला पर्यावरण रक्षणाचे धडे
प्लास्टिकमुळे होणारे गंभीर पर्यावरणीय दुष्परिणाम लक्षात घेऊन ग्रामपंचायतीने हा दूरदृष्टीचा निर्णय घेतला. या उपक्रमामुळे लहान वयातच विद्यार्थ्यांना ‘प्लास्टिकला नाही’ म्हणण्याची सवय लागेल आणि ते या संदेशाचे दूत (Mascot) बनून आपल्या कुटुंबात व समाजात जनजागृती करतील, अशी अपेक्षा सरपंच सौ. शीतल चोरघे यांनी व्यक्त केली.
मान्यवरांची उपस्थिती
या महत्त्वपूर्ण कार्यक्रमाला गावातील अनेक मान्यवर, पदाधिकारी आणि नागरिक उपस्थित होते. उपसरपंच रोहिदास चोरघे, सदस्य शिवाजी चोरघे, विशाल निढाळकर, विजय चोरघे, ज्ञानेश्वर चोरघे यांच्यासह ग्रामपंचायत अधिकारी श्रीमती आरसुले, ग्रामपंचायत कर्मचारी, पोलीस पाटील आणि निलेश खामकर, दुर्गा चोरघे, संतोष चोरघे, कृष्णा चोरघे यांसारखे प्रतिष्ठित ग्रामस्थ उपस्थित होते. अंगणवाडी सेविका आणि सर्व शिक्षकवृंद यांनीही विद्यार्थ्यांच्या या सकारात्मक उपक्रमात उत्साहाने सहभाग घेतला.
ग्रामपंचायतीच्या या उपक्रमाबद्दल सर्व स्तरांतून अभिनंदन केले जात आहे.
